छमछमी नाँच दिदि ।

 

यसपालिको तिजमा छमछमी नाँच दिदि ।

बारुले त्यो कम्मर मर्काएर भाँच दिदि ।

जिन्दगीको के भरोषा भोलिको त टुंगै छैन

झर्याम झुरुम भएर त्यो फुटिजाने काँच दिदि ।

कहिलेनी ओईलीदैन सम्झनाको मिठो माला

लत्याएर नफाल्नु है माया प्रिती साँच दिदि ।

रात पछी दिन आउँछ, घाम पछी छाँया जस्तै

दु:ख पछी सु:ख आउँछ नपत्याए जाँच दिदि ।

जिन्दगी सारै खुसी छ हेर्नलाई एक पटक हास दिदि

हाम्रो लागी सधै भरी हासिखुसी बाँच दिदि ।

रङ्गी  चङ्गी पोशाकमा सजिएर मनाउ तिज

         हासी खुसी सधै रमाई  रमाई बाँच दिदि ।